Turbina ka njoftuar se ditën e mërkurë do të zhvillojë një ndeshje miqësore me Partizanin.
Në fakt ekipi që militon në Kategorinë e Parë parashikohej që të luante nesër kundër Kukësit por për shkak se nuk do të ketë lëvizje në vend, ajo ndeshje është anuluar.
“Për shkak te masave te marra nga ministria e shëndetësisë ndeshja e planifikuar ditën e nesërme është anuluar sepse e diela është caktuar si ditë pushimi dhe asnjë automjet nuk do të lëvizë. Të mërkurën është planifikuar një ndeshje tjetër miqësore me ekipin e Partizanit.” -thuhet në njoftimin e Turbinës.
Klubet po hasin në vështirësi edhe për zhvillimin e ndeshjeve miqësore, pasi për momentin nuk lejohen. Ditën e hënë pritet që Ministria e Shëndetësisë të japë edhe vendimin përfundimtar për zhvillimin e ndeshjeve të futbollit në vendin tonë.
