Genta Mezini, anëtare e Këshillit Bashkiak të Tiranës ka dhënë dorëheqje më 17 maj, ditën kur u shemb ndërtesa e Teatrit Kombëtar.
Socialistja Mezini shkruan se dorëheqjen ia ka dërguar edhe kryetarit të Bashkisë së Tiranës, Erion Veliaj.
“Arsyet e mia janë personale dhe s’kam ndërmend t’i bëj publike”, shkruan midis të tjerash.
Pasi ka paraqitur dorëheqjen, në një postim në rrjetet sociale, Mezini shkruan “mjaft më me përbindësha”.
“Ta fillojme me edukimin e nje brezi te ri ndryshe nga ne. Ti edukojme me dashurine per kulturen dhe artin, me respektin ndaj historise ne kuptimin e drejte te saj. Mjaft më me perbindsha!”, shkruante ajo më 17 maj.
Duket se dorëheqja e këshilltares socialiste ka lidhje pikërisht me shembjen e godinës së Teatrit Kombëtar, edhe pse ajo nuk e ka shprehur një gjë të tillë.
