Strakosha: Lazio mund të fitojë kampionatin, merita i shkon Inzaghit

Thomas Strakosha ka deklaruar se trajneri, Simone Inzaghi, ka ndryshuar mentalitetin te Lazio, të cilët tashmë ndjejnë se mund të fitojnë ndaj kujtdo.

Portieri i kombëtares shqiptare, gjithashtu ka deklaruar se ekipi i tij i ka të gjitha mundësitë për të fituar Serinë A, ndërsa ka pranuar se është surprizuar nga forma e lartë që kanë shfaqur këtë sezon.

“Të ëndërrosh është diçka e mirë, kështu arritëm të dytët në tabelën e klasifikimit. Objektivi për sezonin aktual ishte kualifikimi për në Ligën e Kampioneve ndërsa tashmë jemi në luftë për titullin kampion.”

“Cilësia e skuadrës ka qenë gjithmonë e pranishme por tashmë mentaliteti i ekipit ka ndryshuar, Inzaghi na ka përmirësuar. Jemi të qetë dhe besojmë se mund të shpallemi kampion.”  – ka thënë 25-vjeçari.

LEXO EDHE  Vuante nga diabeti dhe kishte nevojë për transplant të veshkave, vdes 33-vjeçarja e Formula 1