Presiidenti Ilir Meta ka thirrur një takim me drejtues të partive opozitare. Meta ka thirrur takimin ditën e nesërme (21 maj) në Pallatin e Brigadave.
Një ditë më parë Presidenti zhvilloi një takim me Ambasadorët e vendeve të BE-së, ku është diskutuar situata më e fundit politike në vend, e cila precipitoi pas shembjes së Teatrit Kombëtar.
Pritet që në këtë takim, Presidenti pritet të njihet me propozimet e opozitës, lidhur me këtë situatë, ndërsa nga Aleanca për Mbrojtjen e Teatrit, Kreut të Shtetit iu kërkua që të shpërndajë Parlamentin.
Nuk dihet nëse kjo çështje do të diskutohet në takimin me liderët e opozitës.
Pas shembjes së Teatrit Kombëtar, opozita bojkotoi Komitetin Politik për reformën zgjedhore, veprim ky që vuri në lëvizje disa nga ambasadorët e vendeve të BE-së, por edhe Ambasadoren e SHBA.
Mesazhi i diplomatëve ishte që reforma të çohet përpara dhe të përfundojë brenda 31 majit.
Opozita nga ana e saj i ka dhënë mbështetje protestave të Aleancës për Mbrojtjen e Teatrit dhe nuk dihet nëse do t´i rikthehet dialogut me mazhorancën për reformën zgjedhore.
