Për ish kryetarin e Komisionit Qendror të Zgjedhjeve Kristaq Kume, Këshilli Politik për reformën zgjedhore ka punuar me intensitet që nga momenti kur u krijua.
Në një intervistë për Ora News, ai deklaroi se ndryshimet e kërkuara në legjislacionin zgjedhor bëjnë të mundur zhvillimin e zgjedhjeve me standarde.
Kristaq Kume: ”Që nga koha e fillimit të punës së Këshilli deri sot, është pununar për mendimin tim me intensitet, dhe ka patur mirëkuptim të të gjitha palëve për të trajtuar të gjitha çështjet, përfshirë reformën e sistemit zgjedhor. Dhe për të bërë përpjekje maksimale për të gjetur konsensusin. Realizimi i kësaj mundësie për të bërë një reformë zgjedhore me kontributet e të gjithëve, është pranuar edhe një ndër objektivat e realizuara nga opozita jashtë kuvendit, sepse siç e dimë, formalisht janë të gjitha mundësitë për mazhorancën që ta bëjë e vetme atë ndryshim. Por është bërë e mundur nga presioni i opozitës, qytetar por edhe nga këmbëngulja e institucioneve ndërkombëtare, që të bien dakord në kushtet e situatës së vendit tonë, gjendja të kalojë nëpërmjet një zgjidhje që mund ta justifikosh me objektivin që ajo synon të realizojë. Pra realizimin e ndryshimeve të kërkuara të nevojshme në legjislacionin zgjedhor dhe jo vetëm në legjislacionin zgjedhor, për të bërë të mundur që zgjedhjet e ardhshme të zhvillohen me standarde. Një arritje e tillë e opozitës jashtëparlamentare, nuk mund të zhbëhet sepse ndodhemi përpara një situate të re, që ka ngarkesa politike, ka mundësi që të interpretohet se çfarë do të thotë kjo për zhvillimin e demokracisë në vendin tonë. Por nuk ka pse të jetë argument mbështetje për vendimmarrje e cila do të zhbëjë të gjithë atë që është arritur deri sot.”
Siaps tij, me sistemi aktual zgjedhor propocinal rajonal, nuk përfaqëson zgjedhësit. Ai tha se deputetët e dalë nga 3 proceset e fundit zgjedhore pas ndryshimeve kushtetuese të vitit 2008, kanë qenë si rezultat i vullnetit të kryetarëve të partive dhe jo nga votuesit.
Kristaq Kume: ”Sistemi aktual zgjedhor që ne kemi propocional rajonal, dhe mënyra se si ky sistem është përkthyer në procedura, në rregulla në kodin zgjedhor, kanë bërë që ne të kemi rezultate në proceset zgjedhore që të vuajnë nga niveli i pamjaftueshëm i përfaqësimit të vullnetit të zgjedhësve në ta. Që do të thotë ky sistem, duke qenë propocional, fton zgjedhësit të votojnë me një listë, i zbatuar me një listë të mbyllur. Pa i dhënë mundësi zgjedhësit të shprehet për kë do ai ta përfqësojë nga lista përkatëse e subjektit që ai dëshiron tia japë votën, ka bërë atë që institucioni zgjedhës, Kuvendi i Shqipërisë,të jetë institucion i cili zor se mund të konsiderohet se në mënyrë propocionale ka të shprehur atë që ka dashur shprehë zgjedhësi kur ka votuar. Pjesa më e madhe e deputetëve të dalë nga 3 proceset e fundit zgjedhore, pas ndryshimeve kushtetuese të 2008, kanë qenë aty si rezultat i vullnetit të drejtueseve të partive përkatëse politike. Për pasojë, kjo cilësi e munguar përfaqësimi, kjo cilësi e munguar e lidhjes së tyre me elektoratin, kjo situatë bën që këta për borxh ose nder, ulësen e Kuvendit t’ia detyrojnë kryetarit të partisë dhe jo zgjedhësit.”
