Capello: Ronaldo talenti më i madh që kam drejtuar, por ishte dhe më problematiku!

Fabio Capello dhe Ronaldo “Fenomeni” punuan me njëri-tjetrin për rreth gjashtë muaj te Real Madridi.

Italiani erdhi në drejtimin e “Los Blancos” në korrik të vitit 2006 dhe e gjeti brazilianin në skuadër i cili më pas u largua në drejtim të Interit në janar të 2007.

Në një bisedë me televizionin Sky Sport, Capello kujton se si ishte marrëdhënia e tij me Ronaldon me të cilin tani ka një marrëdhënie të mirë.

LEXO EDHE  Borussia Dortmund ofron 40 milionë euro për pasuesin e Haaland

“Talenti më i madh që kam trajnuar është Ronaldo, i pakrahasueshëm. Dhe në të njëjtën kohë ai ishte ai që krijoi problemet më të mëdha për mua në dhomën e veshjes. Ai organizonte festa, dhe bënte çdo gjë. Një herë Van Nistelrooy më tha: mister, këtu në dhomën e zhveshjes bie erë alkool.”

“Pastaj Ronaldo shkoi në Milano, ne nisëm të fitonim, por nëse flasim për talent, ai ishte më i madhi, pa dyshim.”