Mjeku i njohur Gëzim Xhepa ka ironizuar përmes një postimi në rrjetet sociale uljen e rasteve me Covid-19, pas shembjes së Teatrit Kombëtar.
“Vaksina e COVID-19 paska qenë shembja e Teatrit Kombëtar. U lodhëm dy muaj duke pritur pikun dhe valën, kur piku paska qenë te ruspa që goditi teatrin! Edhe qeveria hoqi maskat, edhe ISSHP-së i ranë rastet!”, ironizon Xhepa.
Mjeku i njohur, bashkë me imazheristin Renato Osmënaj, hapën një debat lidhur me kohën se kur u shfaq koronavirusi në Shqipëri.
Ato publikuan një seri imazhesh pulmonare, sipas të cilave prania e Covid-19 në Shqipëri, ka qenë që në muajin janar.
