Kryetari i PD bëri një denoncim të fortë në “Tempora”. Ai tha se pas shembjes së Teatrit, fshihet nje partneritet i Ramës me krimin.
“Kur merr kapar nga krimi, je i kapur, pastaj do marrësh vendime që të dikton krimi, ndryshe ha plumbin“, tha Basha duke përmendur se tek projekti i kullave tek Teatri, janë përfshirë klanet e drogës në Spanjë, të lidhur me oligarkun Fusha, siç e cilesoi kreu i Opozitës.
“Këta janë partnerët e Edi Ramës dhe Erion Veliaj. Këta janë nga ata partnerë që kur iu merr kaparin dhe nuk ju bën punë të fusin plumbin. Është një qeveri, një kryeministër dhe një kryetar bashkie në duart e krimit dhe të mafies.”-tha Basha.
“Tani është koha që të kthejmë faqen dhe të kthejmë faqen do të thotë jo thjesht ta largojmë Ramën, por ta ndëshkojmë Ramën. Jo thjesht të largojmë shërbëtorët e tij, por t’I ndëshkojmë shërbëtorët e tij. Jo thjesht të largojmë të korruptuarit jo, por t’I ndëshkojmë të korruptuarit.”-tha Basha.
