Ministrja e Shëndetësisë, Ogerta Manastirliu, njoftoi sot mbylljen e spitalit “Covid2” dhe rikthimin e tij në funksion të qytetarëve për trajtimin e sëmundjeve që kanë.
“Në spitalin universitar “Shefqet Ndroqi”, i cili nga sot nuk do të jetë më spital COVID dhe të gjitha rastet e të prekurve nga COVID19 po trajtohen në spitalin infektiv”, njoftoi Manastirliu.
Sipas saj, plani i ri-hapjes parashikon edhe rikthimin e ndërhyrjeve të planifikuara në spitale, duke vendosur qytetarin në qendër të të gjithë shërbimeve tona të kujdesit shëndetësor.
“Mirënjohje të gjithë stafit mjekësor për punën dhe përkushtimin!”, shkruan Manastirliu.
