Regjistori i njohur Edmond Budina kërkoi nga qytetarët mosbindje civile.
Nga sheshi përpara Teatrit, Budina kërkoi falje për shembjen e Teatrit, ndërsa Presidentit i kërkoi që të shpërndajë Parlamentin.
Ai tha se qeveria ilegjitime duhet rrëzuar.
“Ju kërkoj ndjesë që teatri jonë u shemb, por teatri jeton. Ata sot bënë një akt kriminal. Aleanca për Teatrin nuk ka vdekur.
Kriminelët deshën të vrisnin shokët tanë kur ishin brenda. Ky është një krim kundër njerëzimit, jo një krim në tentativë por një krim.
Ne i kërkojmë qytetarëve të Shqipërisë të bëjmë një mosbindje civile. Të thyejmë karantinën derisa të shporrim mafiozët. I kërkojmë Presidentit të shpërndajë Parlamentin ilegjitim. Ky është një Parlament ilegjitim.
Ne jemi kthyer në diktaturë. Ky ishte akti i fundit. Këtu u varros demokracia. Të vazhdojmë në protestë deri në rrëzimin e kësaj qeverie të jashtëligjshme. Partitë politike në daçin t’i bashkohen lëvizjes qytetare, në të kundërt në djallë të venë. Të vazhdojmë protestat deri në rrëzimin e qeverisë”, tha Budina.
