Gazetari Tomorri: Ja si mund të shpronësohen me 3 mln lekë sarajet e Edi Ramës

Gazetari Klodian Tomorri, nëpërmjet një statusi në rrjete sociale, shprehet se çmimi i referencës për tokën në Surrel, është 474 lekë për metër katror, duke theksuar se edhe saraje po të jenë, si ato të Ramës mund të shpronësohen me 3 milionë lekë.
Gjithçka sipas gazetarit vetëm me ligj. “Arsyet e shpronësimit mund të gjenden kollaj. Mund të bëhet një projekt sikur do të ndërtohet një shkollë apo qendër shëndetësore e atij vendi. Kjo përshembull mund të ishte vendimi i parë i qeverisë që do vijë“-thekson Tomorri.
Më tej, ai thotë se sado që përpiqet, logjikisht nuk gjen dot asnjë arsye pse opozita nuk i thirri njerëzit në shesh.
Statusi i plotë i Tomorrit: 
Me ligj, me ligj
Cmimi i references për tokën në Surrel është 474 lekë për metër katror sipas hartës kadastrale. Cdo pronë atje, madje edhe saraje po të jenë, mund të shpronësohet me jo më shumë se 3 milionë lekë sipas ligjit.
Arsyet për shpronësim gjenden kollaj. Mund të bëhet një projekt sikur do të ndërtohet një shkollë ose qendër shëndetësore tek ai vendi. Ky për shembull mund të ishte vendimi i parë i qeverisë që do të vijë. Me ligj, vetëm me ligj. Gjithcka në përputhje me ligjin.
Se rruspa duket e mirë kur ja u vë të tjerëve, por nuk duket aq e mirë kur ta vënë te shtëpia jote dhe ta shpronësojnë për një copë buke. Aq më keq kur ta vënë natën pabësisht.
E megjithatë, nuk e kuptova asnjëherë se pse opozita nuk i thirri njerëzit në shesh sot. Sado që përpiqem, nuk gjej asnjë arsye logjike.
LEXO EDHE  Denoncimi/ Lirohen përdhunuesit e nxënëses në Kavajë, ishin anëtarët e partisë