Samuel Eto’o ka rrëfyer se si Jose Mourinho e bindi atë të bashkohej me Interin nga skuadra Barcelonës.
Dyshja shijuan një sukses të madh pasi kamerunasi iu bashkua zikaltërve, duke fituar tripletën në sezonin 2009-2010.
Duke folur për Gazzetta dello Sport, Eto’o tha:
“Mourinho më bindi shumë thjeshtë. Më dërgoi një foto të Interit me numrin 9 duke shkruar: “Është e jotja, po të pret”. Ndërsa edhe Matterazzi luajti një rol në transferimin tim teksa më ka thënë se nëse do të vija do të fitonim gjithçka. Diçka e tillë nuk më kishte ndodhur kurrë dhe këto episode luajtën rolin thelbësor në transferimin tim në Milano që në fund rezultoi një sukses i vërtetë.” – ka thënë Eto’o.
