Forca të shumta policie kanë rrethuar zonën përreth Teatrit Kombëtar duke rritur tensionin mes artistëve dhe qytetarëve.
Këta të fundit janë njoftuar se rreth orës 23:00 do të tentohet shembja e godinës, ndërkohë siç shihet nga fotot e mëposhtme, policia ka nisur vendosjen e gjobave dhe shoqërimin në komisariat të qytetarëve.
Numri i të pranishmëve në sheshin para Teatrit është shtuar, ndërsa së fundmi ka mbërritur edhe kryetarja e LSI, Monika Kryemadhi, Sekretari i Përgjithshëm i PD, Gazmend Bardhi, si dhe ish-deputetë.
Kryemadhi tha se nëse do të vijnë fadromat, unë, Lulzim Basha dhe çdo politikan tjetër i opozitës, do të jemi këtu, do dalim para fadromave.
