Është zhvilluar sot në Gjykatën e Apelit senaca për kryedemokratin Lulzim Basha, ish-sekretarit të Përgjithshëm Arben Ristani dhe financierit të PD-së Ilir Dervishi për çështjen e lobimit rus në ShBA
Basha përfaqësohej nga avokati i tij, Eduart Halimi i cili tha se në seancën e sotme nuk ka pasur asnjë provë të re.
Halimi theksoi se Gjykata e Apelit do të njoftojë për vendimin që do të merret për këtë çështje.
”Ndryshimet që janë bërë në 2017 për procedurën penale, ato që gjykohen në SHkallën e Parë shqyrtohen kurse në Apel nuk ka nevojë për debat gjyqësor. është shtyrë 6 herë, kjo është seanca e pestë, nuk kishte prova të reja dhe u mor ky vendim.
Nuk pati asnjë diskutim, u pyetën vetëm nëse kanë prova të reja, nuk kishte dhe Gjykata do njoftojë për vendimin. ”– tha Eduart Halimi.
Apeli do të shqyrtojë ankimin e Prokurorisë mbi vendimin, ndërsa trupa gjykuese përbëhet nga Shpresa Becaj, Alaudin Malaj, Shkëlqim Mustafa.
Çështja do të gjykohej nga Fatmira Hajdari, ish-bashkëshorte e Azem Hajdarit, por dha dorëheqjen nga gjykimi me faktin që çështja të mos paragjykohet.
Apeli do të vendosë nëse vendimi i marrë nga gjyqtari Lazër Sallaku që pushoi hetimin ndaj kryedemokratit Basha është i drejtë ose jo.
Gjyqtari Lazër Sallaku i cilësoi provat të pavlefshme duke rrëzuar akuzën për falsifikim kundër Lulzim Bashës dhe dy zyrtarëve të tjerë të PD-së, pasi sipas tij nuk faktohet një gjë e tillë.
Prokuroria nuk ishte dakord dhe vendosi ta apelonte ndërkohë që grupi i prokurorëve u nda në dy qëndrime ku njëri prej tyre, Kol Hysenaj, kërkoi rikthim të akteve për vijimin e hetimeve ndërsa tjetri vazhdimin e gjykimit.
