Nga Boldnews.al
“Do legalizojmë kanabisin mjekësor”-tha kryeministri Edi Rama pak ditë më parë. U tha u bë, dhe ajo historia se po punon një “grup ekspertësh”, është loja e pisët që kryet të qeverisë i është zbuluar me kohë. Nuk ka grupe ekspertësh, por vetëm një kryekspert si Rama, i cili në fundin e mandatit të dytë qeverisës përveç gropës ekonomike do të lerë edhe një Shqipëri haluçinative.
Fusha të gjera me kanabis, oligarkë që e kontrollojnë. Ky është synimi, kështu do të bëhet pasi Ramën askush nuk po e ndal më. Mjafton që ai të hedhë një ide të çmendur dhe të gjithë nga pas do e kthejnë në ligj. Asnjë të mos habitet nga nisma e fundit e Ramës. Rilindja ia ka parë hairin kultivimit të kanabisit. Nëpërmjet grupeve kriminale dhe strukturave drejtuese të policisë në vitet 2016-2017, vendi u mbush me kanabis. Tonelata me drogë përfunduan kryesisht në Itali dhe Greqi.
Mori pushtetin i vetëm, duke përdorur fatkeqësisht paratë e pista të kanabist në blerjen e varfërisë së shqiptarëve, ku për një thes miell mbanin radhën për të hedhur votën për qeverinë e sotme. Po synohet edhe mandate i tretë dhe Rama po ndryshon strategji. Grupet kriminale kërkon ti ligjërojë. Trafikanti të quhet “biznesmen” dhe këtë po e bën nëpërmjet legalizimit të kanabisit mjekësor. Si fillim ai mjekësor, e më pas nuk është çudi që të legalizojë hashashin.
Të gjitha do të ndodhin, askush të mos e mendojë si shaka apo tymnajë që hedh Rama për të shkëpur vëmendjen nga rënia e tmerrshme ekonomikë dhe shtimi çdo ditë e më shumë i varfërisë në vend. Nëse legalizon kanabisin, do të dalin edhe të tjera “perla” nga mendja haluçinative. Nuk do të jetë aspak çudi që të kërkojë edhe legalizimin e prostitucionit dhe “promovimit” të homoseksualitetit!
Shenjat janë dhënë. Rama sapo kishte marrë detyrën dhe të parët që priti në zyrë si kryeministër në vitin 2013 ishin përfaqësues të komunitetit LGBT (Lezbikë, gei, biseksualë dhe transeksualë). Nën moton se po punonte kundër “diskriminimit” u shtrua rruga e promovimit.
Pas legalizimit të kanabisit, mund të shfaqen edhe “grupe pune” që mendojnë se do shtohet turizmi seksual në vendin tonë dhe kjo do të sillte shumë të ardhura në buxhetin e shtetit. Madje mund të shitet edhe si “promovim vlerash” që do të na integrojë në Europë.
