Barcelona është e interesuar për shërbimet e mbrojtësit të Interit, Milan Skriniar.
Klubi katalanas kërkon të përforcojë atë që është konsideruar si reparti më i dobët i skuadrës në vitet e fundit dhe 25-vjeçari do të ishte një vlerë e shtuar në prapavijën e gjigandëve spanjollë.
Sipas Mundo Deportivo, Barcelona këmbëngul për sllovakun pasi ai gjithashtu shihet si pasardhësi i Gerard Piques, tashmë në moshën 33 vjeçare. Skriniar vlerësohet në treg me rreth 50 milionë euro por “Calciomercato”, raporton se Interi nuk do të hyjë në bisedime për mbrojtësin poshtë shifrës 60 milionë euro.
