Dy persona janë vënë në pranga pasi akuzohen se kanë abuzuar seksualisht me një vajzë 23 vjeçe.
“Specialistët për Hetimin e Krimeve të Rënda në Drejtorinë Vendore të Policisë Fier ndaluan shtetasit M. G., 26 vjeç (i dënuar më parë për kundërshtim dhe goditje të prokurorit) dhe O. A., 25 vjeç, të dy banues në Fier”, njoftoi policia.
Ndalimi i tyre u bë pas kallëzimit të bërë në DVP Fier nga një 23-vjeçare. Ajo denoncoi se në datën 5 Prill, në një banesë të tyre në Fier, këta shtetas e kanë përdhunuar dhe e kanë shtrënguar për të përfituar pasuri.
Materialet i kaluan Prokurorisë pranë Gjykatës së Shkallës së Parë Fier, në ngarkim të shtetasve M. G. dhe O. A., si autorë të dyshuar për kryerjen e veprave penale “Marrëdhënie seksuale me dhunë me të rritura” dhe “Shtrëngimi me anë të kanosjes ose dhunës për dhënie pasurie” e kryer në bashkëpunim, shtuan të njëjtat burime.
