Aktivistja e Teatrit Kombëtar, Adriana Kalaja, e ka cilësuar si ‘provokimin të rëndë atë kryetari i Bashkisë Erion Veliaj, bëri edhe këtë pasdite’, duke vendosur në derën e TK me forca të shumta policie, një letër ku u kujtonte artistëve se tashmë Teatri është i Bashkisë
“Kjo është një letër e zakonshme, e cila përveçse ka të shkruar ‘të lirohet teatri’, nuk vlen për asgjë, sepse pushteti i kriminalizuar na quan zaptues’.
Por kjo letër nuk ka asnjë bazë ligjore dhe as motivet e policisë bashkiake që shkel ligjin.
Kryetari i Bashkisë Tiranë është në shkelje të plotë më ligjin dhe provokon në mënyrë shumë të rëndë”, tha ajo.
Ndërsa, sociologu Ergys Mërtiri në lidhje të drejtëpërdrejtë me Syri Tv nga Teatri Kombëtar, e ka cilësuar provokimin e radhës që Veliaj bëri këtë pasdite si një lojë të Ramës që po e përdor si facoletë për të pastruar imazhin e tij nga njolla e turpit, por nuk i kanë bërë llogaritë gabim.
“Veliaj po përcjell një mesazh që Zoti i Tokës janë unë, sepse mua më ka deleguar Rama.
Është një lojë e Ramës që këtë faturë turpi, këtë peshë publike, ta heqë nga vetja për tja kaluar Veliaj.
Ky është një përdorim banal, një trukim i imazhit që Rama i përdor këta si facoletë për të pastruar imazhin e tij, por që se pastron dot.
E kemi thënë që këta i bëjnë llogaritë gabim, Edhe pse njerëzit janë në gjumë, harrojnë që qytetarët janë me ne.
Ka njerëz që nuk kanë ndonjë ndjesi për Tetrin, por vetë mënyra, qëndresa jonë, i bën shumë prej tyre që të jenë të ndjeshëm, që të reagojnë.
Ka pafundësisht njerëz që na mbështetin. Edhe në kohën e termetit, njerëzit erdhën te ne, nuk shkuan te Bashkia.
Njerëzit janë të gjithë me Teatrin dhe ata këtë llogari nuk e bëjnë”, tha ai.
