Një projektligj i miratuar së fundi nga qeveria shqiptare, do të përjashtojë nga radhët e Policisë së Shtetit të gjithë ata punonjës që kanë kaluar moshën 55 vjeç.
Gazetari Spartak Koka tha në “Opinion” se ky projektligj do të prekë largimin nga shërbimi për afërsisht 650 punonjës.
Nga ana tjetër, ministri i Brendshëm Sandër Lleshaj, tha se arsyeja e këtij vendimi është kufizimi që krijon mosha për plotësimin e parametrave fizikë për këta efektivë.
“Qeveria shqiptare së fundmi ka miratuar një projektligj që shënon një risi për Policinë e Shtetit. Policia është me një moshë mesatare të lartë në jë vend me moshë mesatare të ulët.
Një pjesë e tyre detyrohen që për të kryer misionin duhet të jenë fizikisht në kushte të përshtatshme. Rregullat e policisë kërkojnë që nëse nuk plotësoni parametra të caktuar fizik sot duhet të shkojnë në shtëpi. Ne përpara dy mundësive për t‘i hequr policët ose për t’i flakur në një farë mënyre, ne kemi zgjedhur mundësinë e dytë për t’i nxjerr dhe për t’i trajtuar financiarisht në të njëjtën pagë pak a shumë si kur janë në punë.
Ata do të do marrin 50% të pagës neto dhe përfitojnë nga sigurimet shoqërore edhe të drejtat e pensionit të parakohshëm, ky është një trajtim superdinjitoz.
Dhe për këtë arsye do të jenë të detyruar të shërbejnë një sasi të caktuar 700 orë në detyra të tjera, që nuk kërkojnë impenjim fizik”, tha Lleshaj./Opinion.al/
