Qeveria angleze i ka dhënë Premier Ligës dritën jeshile për të rifilluar sezonin nga 1 qershori.
Një lajm i mirë ky për futbollin në ishull edhe pse dyshimet për vazhdimësinë e këtij kampionati janë të mëdha.
Shumë gjëra do të kuptohen nga mbledhja e 20 klubeve të Premier League që do të organizohet pasditen e kësaj të hëne. Për t’i dhënë rrugë projektit “restart” duhen të paktën 14 vota nga 20 të mundshme. Sipas gazetës “Telegraph” janë të paktën 8 klube që janë skeptike për rifillimin e kampionatit.
Përveç kundërshtimit nga ana e drejtuesve të këtyre 8 klubeve janë edhe shumë futbollistë që janë kundër rinisjes nëse pandemia do të vazhdojë në nivelet aktuale.
