Deputeti Lefter Maliqi shprehet se opozita e bashkuar fiton zgjedhjet edhe nëse ato bëhen këtë fundjavë. Maliqi në një postim në rrjetet sociale thekson se kalorësi i Rilindjes, sikundër quan ai Edi Ramën, është në panik. Sipas Maliqit, Ramën e pret fundi i hidhur, ndërsa e cilëson kalorës dështak të Rilindjes.
“PD-LSI, opozita e bashkuar fiton zgjedhjet edhe nëse bëhen këtë fundjavë.
Kalorësi i Rilindjes është në panik.
Krimi, zullumi, ëndrra për t´u bërë diktator, paniku që përhap në popull, varfërimi, çpopullimi, tenderat me oligarkët, mashtrimi, imoraliteti dhe papërgjegjshmëria në qeverisje, paaftësia, kapja e institucionet, veprimet çnjerëzore me gaz lotësjellës, dhuna ndaj protestuesve, gjobat, rritja e çmimeve, burgosja e të varfërve, droga, krimi, korrupsioni etj, tregon fundin e hidhur që e pret kalorësin dështak të Rilindjes”, shkruan Maliqi në rrjetet sociale.
