Avokati Spartak Ngjela shprehet se vendi është në një situatë të rëndë ekonomike dhe duhet të ketë një arsye shtetërore për legalizimin e kanabisit.
Por sipas Ngjelës, për miratimin e një nisme të tillë duhet të marrë edhe miratimin e ndërkombëtarëve, pasi ata janë më të shqetësuar nga trafiku.
“Situata ekonomike eshtë shumë e rëndë. Ramën e ka sjellë halli ekonomik te legalizimi i kanabisit. Këtu kemi një arsye shtetërore që nuk na është paraqitur.
Ne duhet të shohim se cili është theksi i ligjit, sa i garantuar është. Nuk ma ha mendja, që për të mbjellë kanabis të deskretitohet në botë dhe të bjerë.
Këtu po flitet për përfshirjen e shteti në një arsye ekonomike që i duhet dhënë një arsye shtetërore, pra me ligj. Nuk mund të flasim pa parë ligjin. Nëse do të ngremë një fabrikë armësh, duhet garancia që nuk do ketë armë shpërthyese.
Kjo është një çështje që del në arenën ndërkombëtare. Nuk shitet në Shqipëri ai, shitet andej dhe ata janë të shqetësuar. Duket sikur ai i ka marrë masat se doli me ambasadorin e BE-së. Nuk e di a do t’ia lejojnë ata”, tha Ngjela.
