Rubrika e ditës së djeshme në “Trotuar”, u fokusua tek femrat që derdhin lot vetëm për të arritur qëllimet e tyre kundrejt meshkujve.
Graciano Tagani nuk rezervohet dhe e tregon mendimin hapur. Ai i është drejtuar Antonetës duke i thënë se i jep përshtypjen sikur është pjesë e atyre femrave që qajnë kot, për të cilat balerini nuk ka fare respekt
“80% e femrave mua nuk më hiqet nga mendja që qajnë kot. Komplet lot krokodili për të arritur qëllimet e veta, për tu qurravitur që ti ti vish gjynah. Për këto femra s’kam respekt fare sinqërisht dhe mendoj që Antoneta mund të qajë kot. Nuk e di pse kam atë përshtypje,”– është shprehur Graciano Tagani.
Pavarësisht deklaratës së balerinit, Antoneta nuk është prekur, duke shpjeguar se femra mund të manipulojë meshkujt edhe pa të qara.
“Kot joo. Unë jam madje nga ato që edhe kur më vjen përpiqem ta mbaj. Unë mendoj që manipulimi nuk ndodh vetëm kur qan, por edhe kur nuk qan. Në momentin që ti përpiqesh t’i mbash ato lot sepse kërkon të tregosh karakter të fortë, ti e manipulon dot,“- është përgjigjur Antoneta.
