Rudina dhe Marku janë kthyer në një nga çiftet më të dashur për publikun dhe shumë të komentuar në media.
E ftuar në “Why not”, Rudina na ka zbuluar më shumë për lidhjen e tyre që nisi si një shoqëri.
Rudina tregoi se ajo dhe Marku janë njohur në një kompeticion dhe ajo as nuk e dinte se kush ishte ai. Më vonë ishin ritakuar sërish dhe kishin nisur një shoqëri.
“Njerëzit që më kishin afër e dinin shumë mirë që Markun e kisha vetëm një mik shumë të mirë. Më pas nga miqësia filloi dhe shkëndija. Kisha shumë turp që më ndodhi si shkëndije sepse unë e konsideroja si shumë mik dhe më konsideronte si shumë mikeshë”, tregoi Rudina.
Më pas Roza e pyeti: “Kur ishte momenti i shkëndijës? Kur the a mund të jetë pasionant ky zotëri siç jam unë?”
Rudina tregoi se ajo e kishte kuptuar që Marku ishte shumë pasionant nga mënyra sesi ai fliste plot zell për historinë, e cila i pëlqen shumë.
“Kur flet me kaq pasion për historinë ky, thashë me vete imagjino si është në të tjera gjëra”, tha Rudina.
“Gjëja që më pëlqen më shumë tek Marku janë shpatullat dhe gishtërinjtë”, tha Rudina.
