Në ditën kur festohet 33 vjetori i kampionatit të parë, Napoli ka rifilluar stërvitjen pas gati dy muajsh.
Hera e fundit që Azzurri ishte parë në seancat stërvitore në “Castel Volturno” ishte në 12 mars kur Insigne dhe shokët e tij po përgatiteshin për ndeshjen e kthimit të raundit të 1/16-ve të Champions League kundër Barcelonës.
Ky vendim për rinisjen e stërvitjes, erdhi pasi testet e dyfishta për coronavirus rezultuan negative për të gjithë stafin dhe lojtarët e skuadrës.
I pari që mbërriti në qendrën stërvitore ishte trajneri Gennaro , ndërsa më pas të ndarë në grupe të ndryshme u paraqitën edhe 11 futbollistë. Fillimisht kryen stërvitjen e tyre tre portierët kryesorë të klubit, Karnezis, Meret dhe Ospina. Pas tyre mbërritën një grup i dytë futbollistësh duke përfshirë Hysaj, Insigne, Allan, Fabian Ruiz, Maksimovic, Demme, Mario Rui dhe Manolas.
Edhe pse skuadrave në Itali u është dhënë leja për të nisur stërvitjet e diferencuara, rifillimi i futbollit ka ende shumë pikëpyetje, ndërsa instuticionet përgjegjëse për sportin janë të dyzuar në qëndrimet e tyre.
https://twitter.com/sscnapoli/status/1259455958956363778?ref_src=twsrc%5Etfw%7Ctwcamp%5Etweetembed%7Ctwterm%5E1259455958956363778&ref_url=https%3A%2F%2Fwww.repubblica.it%2Fsport%2Fcalcio%2Fserie-a%2Fnapoli%2F2020%2F05%2F10%2Fnews%2Fritorno_ad_allenamenti_napoli-256237335%2F
