Coronavirusi ka goditur rëndë ekonominë e Italisë dhe sigurisht situatës së vështirë nuk mund t’i shmangej as bota e futbollit.
Siç bën me dije “La Republica”, 6 klube të Serie A nuk kanë përmbushur detyrimet që kanë për lojtarët e tyre dhe që prej muajit janar nuk kanë derdhur asnjë qindarkë në llogaritë e futbollistëve. Një lajm ky që ka tronditur futbollin në vendin fqinj.
Klubet po shfrytëzojnë ligjet, pasi për tremujorin janar-shkurt-mars, ato mund të kontrollohen vetëm në muajin qershor dhe kështu lojtarët nuk po paguhen. Pavarësisht kësaj, ka klube që nuk po tregohen korrekte dhe presidentët e tyre po e ndjejnë krizën e pandemisë dhe po shfrytëzojnë hapësirat ligjore për të shtyrë pagesat.
