Kreu demokrat, Lulzim Basha, u shpreh sot se një zjarr ka rënë disa ditë më parë në katin e 4-rt të Ministrisë së Shëndetësisë, pikërisht në zyrën e prokurorimeve.
Basha tha se zjarri ka rënë pasi SPAK ka nisur hetimet lidhur me tenderat sekretë, ndërsa shtoi se ngjarja në fjalë nuk është raportuar.
Nën anën tjetër, ministrja Ogerta Manastirliu, e ka përgënjeshtruar deklaratën e Bashës, duke mohuar rënien e zjarrit në dikasterin që drejton.
Por me njët tjetër reagim, PD thotë se ka prova që do t’i publikojë të dielën.
“Ogerta Manastirliu boll nxorre tym nga koka dhe gënjeshtra nga goja. E kuptojmë që ky skandal të djeg shumë”,
Ogerta Manastirliu gënjen paturpësisht për zjarrin e rënë në Ministrinë e Shëndetësisë. Ne kemi prova për këtë skandal dhe do t’i bëjmë publike nesër”, paralajmëron PD, përmes Sekretarit të Përgjithshëm.
