Ish-ministri i Drejtësisë, Ylli Manjani, ka reaguar lidhur me protestën e thirrur sot nga shoqëria civile, si dhe ndaj dhunës policore ndaj tyre.
Ndërsa shpreh respekt pa fund për ata qytetarë që dolën sot në shesh në Tiranë, Manjani thumbon opozitën, që sipas tij, duhet të ishte në shesh, krah qytetarëve,ndërkohë që dhunoheshin nga policia e Surrelit.
“Ata qytetarë janë shembull i reagimit civil dhe meritojnë mirnjohje dhe mbështetje. Opozita politike duhet të ishte me ta, ndërkohë që dhunoheshin nga policia politike e Surrelit.
Sot ata kishin nevojë për mbështetjen e opozitës.
Doni protestë për Kushtetutën?! Ja ku e kishim sot në mes të Tiranës. Dhe jo për emra gjykatësish po për liritë themelore të njeriut.
Sot ishte 2 marsi, jo atëherë kur u kërkua…”, shkruan Manjani.
Postimi nga Ylli Manjani
Respekt pa fund për ata qytetarë që dolën sot në shesh në Tiranë!
Dolën për të përkujtuar fitoren e demokracisë mbi nazizmin dhe fashizmin. Na sollën në vemendje që sundohemi përdhunisht nga pseudofashistë.
Ata qytetarë janë shembull i reagimit civil dhe meritojnë mirnjohje dhe mbështetje. Opozita politike duhet të ishte me ta, ndërkohë që dhunoheshin nga policia politike e Surrelit.
Sot ata kishin nevojë për mbështetjen e opozitës.
Doni protestë për Kushtetutën?! Ja ku e kishim sot në mes të Tiranës. Dhe jo për emra gjykatësish po për liritë themelore të njeriut.
Sot ishte 2 marsi, jo atëherë kur u kërkua…
Nejse…
Policia e Tiranës nuk është me ne(njerëzit), por me ata(sundimtarët).
E dobët e ngordhur dhe e mbaruar njësoj si ata që sundojnë…
Jam i keqardhur që nuk kisha mundësi të isha sot në shesh.😔
