Presidenti Ilir Meta, ka bërë me dije se është takuar me Presidentin e Federatës Shqiptare të Futbollit, Armand Dukën, me të cilin ka folur për të ardhmen e futbollit në Shqipëri në këto kohë pandemie.
Në një postim në “Facebook”, Meta u shpreh se Duka i kishte dorëzuar protokollin sanitar të përgatitur nga ekipi mjekësor i FSHF-s sipas udhëzimeve të UEFA-s, për rifillimin e aktiviteteve futbollistike sa më parë të jetë e mundur.
Më tej, Meta, shton se mbështet rifillimin e futbollit, përderisa kjo gjë do të bëhet duke ndjekur hapat e nevojshme për garantimin e sigurisë për të gjithë palët.
