Një tjetër imazh pulmonar tregon praninë e Covid-19 në Shqipëri që në fillim të muajit shkurt. E ndërsa ditë më parë u publikuan imazhe që i përkisnin dative 15-20 janar, një tjetër provë tregon se rastet e para me koronavirus janë shfaqur në Shqipëri shumë javë përpara datës 8 mars, që u konsiderua si pacienti zero.
Deri para disa javësh ISHP deklaronte se në muajt janar-shkurt ka pasur qarkullim të gripit sezonal, duke i qëndruar tezës se Covid-19 ishte shfaqur pikërisht në javën e parë të marsit, më saktë në 8 mars.
Por duket se kjo tezë nuk ka më kuptim, madje ka edhe një qëndrim nga OBSH që kërkon nga vendet që të hetojnë rastet e mëparshme të klasifikuara si grip.
Foto e mëposhtme është një imazh pulmor i datës 2 shkurt, realizuar nga imazheristët e spitalit Shefqet Ndroqi, që përbën një tjetër provë për praninë e Covid 19 shumë javë përpara se të jepej alarmi për rastin zero, që u pasua me një mbyllje totale dhe ekstreme për 10 javë.
Provat e para lidhur me Covid-19 u publikuan nga dr. Gëzim Xhepa, ndërsa imazhet pulmore ishin bërë në 15-20 maj nga imazheristi i Infektivit, dr. Renato Osmënaj. Nga ky moment nisi edhe një debat lidhur me kohën se kur ka qarkulluar koronavirusi në Shqipëri dhe kjo shpjegon edhe faktin sepse në vendin tonë epidemia e Covid-19, e konsideruar nga OBSH si pandemi, nuk pati një kulm në kurbën e saj, por kurba ishte e sheshtë.
