Ditën e djeshme, skuadra e Barcelonës bëri testimin e lojtarëve për koronavirus teksa në Spanjë pritet rifillimi i futbollit.
18 lojtarët e skuadrës së udhëhequr nga Quique Setien kanë rezultuar negativ në testin e bërë në ambientet e Ciudad Deportiva Joan Gamper.
Të gjithë lojtarët janë në gjendje të mirë shëndetësore dhe tanimë pritet qysh nesër të fillojnë seancat individuale të ushtrimeve.
Kujtojmë që për sa i përket 5 ligave më të mirë në Evropë, vetëm Bundesliga gjermane ka vendosur për rikthimin e sezonit duke filluar nga data 16 maj, ndërkohë ende nuk ka një vendim për La Ligën, Serie A, dhe Premier League, ndërsa Ligue 1 ka përfunduar para kohe sezonin me PSG-në që u shpall kampione e Francës.
