Mjeku Erion Dasho, ekspert i Shëndetit Publik, tha mbrëmjen e sotme se është optimist se kjo verë do të jetë pa masa kufizuese.
Mjeku në fjalën e tij nga studio e Byro Politike është shprehur ndër të tjera se temperaturat e larta të verës e ndihmojnë në dobësimin e agresivitetit të Covid 19.
Gjithashtu mjeku Dasho ka theksuar se e rëndësishsme në të gjithë këtë situatë që jemi tashmë duhet të mbrojmë dhe të ruajmë moshat e rrezikuar, por ato nuk mund të ruajmë me polici dhe me gjoba, por me edukim dhe me ndërgjegjësim.
“Unë jam optimist dhe mendoj se kjo verë do të na gjejë të hapur dhe të gjithë këto masa që po përfiten dhe nga studimet dhe testet serologjike të bëra në Itali, Francë dhe në Gjermani do të dalin në përfundimin se vdekshmëria e koronavirusit është më e vogël se ajo që u tha në fillim.
Të gjitha këto do tregojnë se masat do të lehtësohen plotësisht dhe në vere virusi vetëshkatërrohet më shpejt në mjedis. Trump në një deklaratë pak ditë më parë, ku një kryemjek në departamentin e mbrojtjës tregoi se virusi shkatërrohet shumë shpejt në mjedis. Kjo do të thotë se në verë nëse ne do të zbatojmë minimalisht të gjithë ato masa të marra besoj dhe me studimet e fundit, besoj se plazhi do të kryhet pa anjë lloj kufizimi.
Vera në Mesdhe dihet se është e nxehtë dhe virusi do të kalojë më shpejt për shkak se dhe imuniteti i njeriut është më i fortë. Ne duhet të fokusohemi në tre kategori të mbrojmë personelin mjeksor pasi është në kontakt të drejtpërdrejtë me të sëmurët, të mbrojmë të moshuarit, por jo me polic e me gjoba, por duke e edukuar që ti themi mos të dalë në rrug kur janë të populluara, por të dalë në mëngjes, po ashtu edhe të sëmurët kronik duke u thënë që të kujdesen për veten”, është shprehur eksperti Dasho.
Ndër të tjera këtë të mërkurë nga Byro Politike ai ka theksuar se fëmijët në këtë situatë pandemie thuajse nuk kanë fare rol në transmetimin të virusit tek prindërit apo të tjerët, ndaj shumë vende tashmë po bëhen gati për hapjen e shkollave.
“Për sa i takon fëmijëve është provuar se ato janë rezist ndaj koronavirusit por siç e tregoi dhe shembulli kinez, mund të shërbejë si vektor për të infektuar prindërit, por të dhënat e fundit tregojnë se ato nuk e kanë dhe këtë rol dhe ndaj është marrë dhe vendimi për hapjen e shkollave në Evropë.
Siç është në Suedi që nuk është ndërprerë shkolla për asnjë moment dhe në Gjermani po ashtu do të rihapen. Unë këtë situatë e kam ndjekur që në shpërthimin në Wuhan dhe gjatë studimeve unë besoj se kemi arrituar në atë pikën siç ndodh me gurët e dominosë që bien një nga një. Frika është normale, por dy koronavirusët paraardhës Sars dhe Mers kishin më shumë vdekshmëri se koronavirusi. Ndërkohë një raport përfundimtar mbi të gjithë këtë situatë do të bëhet në përfundim të vitit”, ka theksuar mjeku.
