Dy vjet hetime i janë dashur policisë italiane për të zbuluar një skemë mashtrimesh nga disa serbë, që paraqiteshin si sheikë arabë.
Ata visheshin si sheikë dhe i bindnin jo italianët për t’u dhënë shuma të mëdha parash për t´i investuar jashtë vendit (Kubë, Indi, Dubai, Rusi, Kinë dhe Hong Kong), duke i kaluar shumat në Itali përmes kanaleve jozyrtare. Më pas, paratë riktheheshin, por ishin false.
Guardia di Finanza në Varese, arriti të zbulonte skemën duke arrestuar katër prej tyre, të gjithë serbë që jetojnë në Lombardi dhe kanë lidhje me njëri-tjetrin. Policia sekuestroi 2.4 milion euro pasuri, përfshirë tre vila, 2 shtëpi, 9 apartamente dhe 2 sipërfaqe toke si dhe piktura dhe orë të shtrenjta. Të arrestuarit janë të moshës 33, 37, 45 dhe 48 vjeç.
Operacioni “La stangata Continua” bëri të mundur edhe identifikimin e personave mbi të cilët ishin regjistruar pasuritë, pasi nuk mund t’i justifikonin nga të ardhurat e tyre të deklaruara.
Operazione #lastangatacontinua della #GDF di #Varese che ha #sequestrato beni per un valore di 2,4 milioni di euro a 4 #pregiudicati di origine serba dediti alla commissione di #reati contro il patrimonio.#NoiconVoi pic.twitter.com/54dsVHEFEP
— Guardia di Finanza (@GDF) May 4, 2020