Cristiano Ronaldo u largua nga Manchester United në vitin 2009, por mund të ishte kthyer përsëri në vitin 2013.
Kështu ka deklaruar, Patrice Evra, ish-futbollisti i “Djajve të Kuq”, i cili shton se Alex Ferguson në atë kohë kishte një plan për të bashkuar Ronadon dhe Gareth Bale në “Old Trafford”.
Ferguson tha në atë kohë se së shpejti në skuadër do të kishim Ronaldon së bashku me Gareth Bale dhe sipas tij skuadra do të fitonte sërish Ligën e Kampioneve.
“Objektivi i Ferguson ishte që të marrim Cristiano Ronaldon dhe Gareth Bale. I duheshin vetëm këto 2 lojtarë për të fituar përsëri Ligën e Kampionëve. Dhe të jem i sinqertë, kur fola me Cristianon ai i kishte thënë po Fergusonit. Ai ishte drejt United”.
Sidoqoftë siç tregon Evra 2 javë më vonë Ferguson njoftoi tërheqjen nga futbolli.
