5 maj i vitit 2002 është një datë që u ngjall kujtime të bukura fansave të Juventusit, ndërsa e kundërta është për ato të Interit.
18 vite më parë zikaltërit humbën ndaj Lazios në Romë, ndërsa bardhezinjtë triumfuan në transfertën ndaj Udineses, për të rimarrë kreun në javën e fundit dhe për pasojë fituan titullin kampion.
Për të kujtuar atë ditë, sot më 5 maj, bardhezinjtë kanë shpërndarë një video nga festimet e bëra nga futbollistët, duke “ngacmuar” rivalët e tyre të përjetshëm, zikaltrit nga Milano.
Nga ana tjetër janë kundërpërgjigjur zikaltrit me anë të ish-mbrojtësit Marco Matterazzi.
Ky i fundit u ka kujtuar të gjithëve se më 5 maj, të 2010-ës, Interi fitoi Kupën e Italisë dhe nisi rrugën drejt tripletës së famshme, duke lënë të kuptohet se ajo ishte një arritje që për Juventusin mbetet ende një ëndërr.
