Një ditë më parë u raportua se Milani, dëshiron të vazhdojë kontratën me Zlatan Ibrahimovic dhe madje kuqezinjtë i kanë ofruar suedezit një marrëveshje të re.
Kohët e fundit palët dukeshin shumë larg, pasi situata në bordin drejtues të skuadrës ishte e paqartë. Gjithsesi gjërat janë qetësuar dhe sipas mediave italiane Ibra i është përgjigjur pozitivisht mundësisë për rinovimin e kontratës edhe për sezonin e ardhshëm, por me kusht që Stefano Pioli të qëndrojë të paktën edhe vitin tjetër në drejtimin e skuadrës.
Kjo vjen pas raportit mjaft të mirë mes futbollistit dhe trajnerit italian, ku të dy palët kanë respekt dhe e kuptojnë njëri-tjetrin. Madje, që pas transferimit të tij në merkaton e dimrit, skemat e skuadrës kuqezi u adaptuan për Ibra, që nga ana e tij e shpërbleu besimin.
Gjithsesi deri te firma ngelen edhe shumë pengesa për tu kapërcyer dhe duke parë moshën e madhe të Ibrahimoviç gjërat mund të ndryshojnë shpejt.