Kryetarja e LSI-së Monika Kryemadhi e quajti shqetësuese situatën ekonomike shkaktuar nga masat shtrënguese për parandalimin e koronavirusit.
Në një prononcim për median pas takimit në selinë e PD, ku kryetari i PD-së Lulzim Basha mblodhi aleatët, Kryemadhi nënvizoi se kryeministri duhet të lërë propagandën dhe të marrë situatën në dorë ose në të kundërt të largohet
“Shqetësimi nuk është sot distanca sociale që u imponohet qytetarëve por ekonomia. Janë 60 mijë shqiptarë që në dy muaj kanë humbur vendet e punës. Mbi 1.5 miliardë euro të humbura nga ekonomia shqiptare që nga momenti i shpalljes së paligjshme të gjëndje së jashtëzakonshme dhe do të jetë edhe më e madhe shuma e humbjes ekonomike. Duhet të kthjellohemi dhe të qartësojmë duke nisur nga kryeministri i facebook që të lërë propagadën e tij sepse shqiptarët nuk kanë hallin imazhit e tij dhe as shëtitjet në bulevard por të kthehet e të marrë situatën në dorë të kundërt të largohet. Shqipëria ka shumë gra e burra të mirë që mund ta zëvendësojnë qoftë dhe nga PS”.