Formula 1 është pranë arritjes së marrëveshjes për të zvogëluar kapitalin financiar të skuadrave me 30 milionë euro.
Maksimumi i buxhetit të lejuar në sezonin aktual është 175 milionë euro, ndërsa duke filluar nga sezoni i vitit 2021, kjo shumë do të zbresë në 145 milionë. Ky shkurtim i buxhetit, i cili do të hyjë në fuqi vitin e ardhshëm, përjashton disa kosto të mëdha, siç janë pagat e shoferëve.
Kjo rregulore e re vjen për të rritur rivalitetin në F1, pasi i jep skuadrave të vogla dhe të mesme, një mundësi më të mirë për të rivalizuar Mercedesin, Ferrarin dhe Red Bulli-n.
“Ne e filluam me 175 milion $ dhe ishte një betejë e gjatë për ta arritur këtë vlerë, por me krizën aktuale, ne do të fillojmë tani me 145 milion $”, – ka deklaruar drejtori sportiv i F1, Ross Brawn, duke shtuar se niveli mund të bjerë më tej gjatë viteve të ardhshme.