Sulmuesi i Bologna-s, Musa Barrow, ka deklaruar se pandemia e coronavirusit ka bërë që ai të humbasë miq që e kanë ndihmuar gjatë jetës dhe karrierës së tij.
21-vjeçari i cili është huazuar te Bologna nga Atalanta, ka deklaruar se Bergamo është një vend shumë i veçantë për të dhe se nuk do t’i harrojë kurrë lidhjet që ka krijuar atje.
“Në Bergamo kam humbur miq, njerëz që më ndihmuan, më mbështetën, më dhanë këshilla. Synimi im pasi të rifillojmë së luajturi , është se golin tim të parë do tua kushtoj atyre në Bergamo. Unë mendoj për Don Fausto Resmini një zotëri plot mirësi dhe gjithashtu për gruan e Dinos”.