Një person raportohet se i ka vendosur flakën vetes, ndërsa mendohet se këtë veprim ai e ka kryer në kushte të rënduara psikologjike.
Ngjarja ka ndodhur mbrëmjen e sotme në Mat.
Policia e Komisariatit Mat, ka marrë informacion se në fshatin Karicë, bashkia Mat, shtetasi SH.D, në banesën e tij dyshohet se në kushte depresioni ka tentuar të vetëdigjet.
Ai është transportuar në gjendje të rëndë në Tiranë, për ndihmë mjeksore më të specializuar.
Grupi hetimor ndodhet në vendngjarje dhe po vijon hetimi për zbardhjen e ngjarjes.