Sulmuesi i Juventusit, Paolo Dybala, ka deklaruar se i mungon shumë futbolli i luajtur dhe është shprehur i habitur për ndikimin që ka ky sport te ai.
Duke folur në një lidhje direkt në Instagram më këngëtaren Anitta, argjentinasi deklaroi se po pret me padurim ditën që do të zbresë në fushën e lojës.
“Të them të vërtetën, kurrë nuk kam menduar se futbolli do të mungonte kaq shumë. Kam nevojë të stërvitem dhe të shoh shokët e skuadrës sepse stërvitja në shtëpi vetëm nuk është e njëjtë. Futbolli është një mënyrë jetese për mua dhe tani jam pak i konfuzuar”.
“U bë një kohë e gjatë pa u stërvitur në grup. Edhe tani nuk e dimë me siguri kur do të rikthehemi. Nuk është si pushimet, kur e di që duhet të pushosh për një kohë të caktuar dhe më pas do të fillosh menjëherë”.
