Monika Kryemadhi, kryetare e LSI-së, tha mbrëmjen e sotme se në demokraci, debatet janë themeli, ndërsa në diktaturë mungojnë ato.
Në studion e Open, Kryemadhi tha se virusin nuk e kontroll as policia dhe as ushtria, por shëndetësia dhe masat.
Kryemadhi tha se do të ishte demagogji të thuhet se qeveria e ka menazhuar mirë këtë situatë, ndërsa i konsideroi shifrat zyrtare të deklaruara si të manipuluara.
“Qeveria ende nuk ka dhënë një përgjigje sa është numri i të vdekurve në janar dhe shkurt, pse kanë vdekur.
Ne mund ta kemi kaluar këtë situatë që nga dhjetori, kur ka pasur një grip mjaft të rëndë, dhe me simptoma të ngjashme me koronavirusin”, tha Kryemadhi.
Duke ironizuar masat e Qeverisë, Kryemadhi tha se janë qesharake, pasi çfarë bën virusi pas orës 17:30, del në rrugë?
“Shifrat janë gënjeshtra, ne sot nuk e dimë sa persona janë infektuar me Covid-19, a janë testuar? Një nga gabimet kryesore që ka bërë Qeveria ishte paniku dhe terrori psikologjik te qytetarët”, tha Kryemadhi.
