Timo Werner po shkëlqen në Bundesliga me skuadrën e Leipzig dhe së fundmi shumë skuadra janë vënë pas shërbimeve të tij.
Përveç ofertave të shumta jashtë Gjermanisë, për lojtarin interesohej edhe Bajern Mynihu, që e do në ekip për sezonin e ardhshëm. Por duket se 23-vjeçari e ka mohuar një kalim te Bayerni duke i hapur rrugën kështu transferimit të tij në Premier League, aty ku ka shumë admirues me Liverpool-in në krye.
Duke folur për “Bild”, Werner ka deklaruar: “Një sfidë e re në një ligë të huaj do të më pëlqente më shumë se sa një kalim te Bayern-i”.
Werner i cili ka një klauzolë largimi prej 50 milionë paundësh nga skuadra e Leipzig, kërkohet nga tre gigandët anglez, Chelsea, Man.United dhe Liverpooli, më këto të fundit që shihen si favoritët për firmën e tij.
