Bale: Te Real Madrid kam vetëm dy miq, MLS më intrigon!

Sulmuesi uellsian, Gareth Bale, ka folur në podcast-in e “Hat-Trick”. Gjatë bisedës së gjatë,  ndër të tjera 30 vjeçari tregoi raportin që ka me shokët e skuadrës së Real Madridit, ndërsa tha se e mendon të ardhmen në SHBA.

MLS – “Është një ligë, që rritet dhe vazhdon të zhvillohet. Ka shumë lojtarë që duan të shkojnë atje tani. Kjo është padyshim diçka që do të më interesonte. Gjithashtu, dua të shkoj në Los Angeles me pushime. Luaj shumë golf, kur shkoj atje”.

Dhoma e zhveshjes – “Në Madrid flas shumë me Luka (Modric). E njohim njëri-tjetrin që herët, sepse kemi qenë së bashku te Tottenham për 5 vjet dhe jemi te Real Madridi prej 7 vitesh të tjera. Kështu që, natyrisht, shoqërohem shumë mirë me të. Unë, gjithashtu, flas shumë me Kroos. Kam raporte të mira pothuajse të gjithë, por, për të qenë i sinqertë, më shumë bëhem me këta të dy”.

LEXO EDHE  Champions League/ Mbyllen dy takimet e para të mbrëmjes, ja rezultatet