Këto ditë, Jose Mourinho, është parë duke ndihmuar stafin e ngritur në qendrën e klubit të Tottenham, në shpërndarjen e perimeve dhe produkteve të tjera, duke vijuar kështu punën si vullnetar gjë që e ka bërë që nga ndalimi i futbollit.
Duke folur për mediat angleze, portugezi ka deklaruar se i mungon futbolli dhe se rifillimi i Premier League do të ishte e dobishme për të gjithë.
“Më mungon shumë futbolli dhe mezi pres të rikthehemi. Do të doja t’i luanim këto 9 javë që na kanë mbetur dhe të mbyllnim normalisht sezonin. Nëse arrijmë ta përfundojmë këtë sezon do të ishte shumë pozitive për të gjithë ne. Do të ishte mirë për futbollin, për Premier League dhe fansat”. – ka thënë Mourinho.
