Në një lidhje direkte për emisionin “Çim Peka LIVE”, gazetari Klodian Tomorri, teksa diskutohej për sektorin e turizmit në vend dhe pasojat që ka lënë Koronavirusi, u shpreh se, ndërhyrja e qeverisë ka shkaktuar pasiguri te bizneset.
Sipas Tomorrit, në një situatë të tillë qeveria duhej të bënte të pamundurën për ruajtjen e vendeve të punës.
“Në situata të tilla ku ka bllokim dhe panik të ekonomisë, qeveria duhet të bënte të pamundurën për të shpëtuar vendet e punës dhe që në fillim masat duhet të ishin të qarta. Javën e parë paketën e parë, javën e dytë paketën e dytë e kështu me rradhë. Një ndërhyrje e tillë shkakton pasiguri.
Në disa raste, ndihma ka qenë djallëzore, sepse nuk ka rast në botë ku thuhet se ata që janë paguar para 10 prill paguhen dhe ata pas 10 prillit, jo. Duket se qeveria ka luajtur me hile”, u shpreh Tomorri.
