Nënkryetari i PD-së, Edi Paloka, ka reaguar në rrjetet sociale, lidhur me sjelljen e Kryeministrit Edi Rama, ndërkohë që qytetarët po humbasin gjithçka dhe janë lënë në mëshirën e fatit.
Paloka, ndërsa ka publikuar një video, shkruan se ndërsa Edi Rama bën cirk me dhimbjen e tyre dhe paguan miliona lekë në ditë me klientët.
“Është e dhimbshme të shohësh në ekrane nëna që kanë humbur gjithçka, se qeveria i ka lënë në mëshirë të fatit.
Është revoltuese t’i dëgjosh që këto nëna numërojnë qindarkat e mbijetesës, ndërsa Edi Rama bën cirk me dhimbjen e tyre dhe paguan miliona lekë në ditë me klientët. Ky klloun nuk e ka vendin në kryeministri.
Mijëra nëna nuk i meritojnë lotët e mjerimit vetëm se Edi Rama ka zgjedhur të paguajë miliona për oligarkët e vet dhe pak apo aspak për mbi 2 milionë shqiptarë”, shkruan Paloka në rrjetet sociale.
Reagimi i nënkryetarit të PD-së vjen në një kohë kur Rama vijon të propogandojë mbi ato që i konsideron si pagat e luftës dhe të japë show në rrjetet sociale mbi jetën e shpëtuara nga koronavirusi për shkak të masave të marra nga Qeveria.
