Ligave evropiane të futbollit u është dhënë afat deri më 25 maj për të informuar organin drejtues të futbollit europian, UEFA, për planet e tyre për të rifilluar kampionatet e tyre vendase.
Në një letër drejtuar 55 federatave në Uefa, presidenti, Aleksander Ceferin, shkroi se çdo ligë që anulon sezonin e saj do të duhet të publikojë një listë të ekipeve që janë kualifikuar në garat e klubeve evropiane, afati i fundit për të bërë kështu është gjithashtu 25 maj.
“Federatat apo Ligat duhet të jenë në gjendje që t’i komunikojnë UEFA-s brenda 25 majit 2020 planin për të rifilluar kampionatet kombëtare, përfshirë edhe datën e rinisjes dhe formatin e zgjedhur për kompeticionin. Nëse një kampionat kombëtar do të mbyllet në mënyrë të parakohshme për arsye të drejta, UEFA do t’u kërkojë Federatave brenda datës 25 maj 2020 kushtet e veçanta që sollën këtë mbyllje të parakohshme dhe për të përzgjedhur klubet për kompeticionet UEFA për edicionin 2020-2021 duke u bazuar te merita sportive në kompeticionet kombëtare të edicionit 2019-2020”, theksoi ai.
UEFA gjithashtu ka sqaruar se dëshiron që federatat anëtare të përfundojnë sezonet e tyre të ligave dhe shpreson gjithashtu të përfundojë kompeticionet e Champions League dhe Europa League.
