“Shoh gjithmonë e më shumë një shteg të ngushtë… shumica e presidentëve të klubeve mund të më kërkojnë ta mbyllim sezonin këtu”.
Kështu është shprehur, ministri italian i Sportit, Vincenzo Spadafora, në lidhje me rinisjen e futbollit në Itali.
“Do të shqyrtojmë protokollin e ri që na ka dorëzuar Federata dhe brenda 3 ditësh do të japim përgjigje. Por, është e pamundur të mendojmë rifillimin e sezonit në qershor, ndërsa po mendohet për rinisjet e stërvitjeve individuale në datën 18 maj. Megjithatë, unë gjithmonë kam thënë se rifillimi i stërvitjes nuk do të thotë të rifillimi i sezonit”.
“Shikoni vendimin e Francës, që hoqi dorë nga gjithçka! Praktikisht, linja për t’u ndjekur mund të jetë ajo. Natyrisht, këtu flitet për një rrezik që i kanoset njerëzimit dhe jo një shaka. Nuk mund të bëjmë parashikime”. – shtoi Spadafora.
