Adriano Galliani është i bindur për nevojën për të rifilluar kampionatin e Serie A. Sipas ish-drejtorit të Milan-it, nga mos përfundimi i sezonit në rrezik janë shumë para që mund të cënojnë të ardhmen e futbollit në Itali.
I Intervistuar nga “Corriere della Sera”, 75-vjeçari gjithashtu kritikoi ashpër UEFA-n duke e quajtur si “burimin e gjithë të këqijave” me vendimin për të mbyllur kampionatet brenda datës 2 gusht për t’i dhënë hapësira kompeticioneve europiane.
“Ndoshta nuk jam menaxheri më i mirë, por jam një nga ata me më shumë eksperiencë në Itali. Nuk mendoj se problemi lidhet me figurat e institucioneve tona. Por burimi i gjithë të këqijave është ngutja e UEFA-s për të mundësuar mbylljen e kampionateve brenda 2 gushtit dhe për t’i dhënë hapësira kompeticioneve europiane, si dhe fillimit në kohë të sezonit të ardhshëm”.
“Në rast se 3 nga kampionatet më të rëndësishme në Europë fillojnë më herët aktivitetin e tyre, ne rrezikojmë të mos jemi njësoj garues me ta. Futbolli italian do të humbiste 700 milionë euro, ndërsa të tjerët do të vazhdonin të mbushnin arkat. UEFA kërkon të nxitojë kampionatet duke iu përmendur rrezikun e mos përfundimit në kohë, në këtë mënyrë duke shkaktuar humbje të mëdha për ta,”
“Do të ishte më mirë që ndeshjet e sezonit aktual të fillonin në shtator, ndërsa sezoni i ardhshëm të zhvillohej brenda vitit kalendarik 2021”.
